Sunday, March 12, 2017

உங்கள் மொபைல் தான் எங்கள் உளவாளி'' சவால் விடும் டெக் நிறுவனங்கள்!

மொபைல் ஒரு தெருவில் நடந்து கொண்டிருக்கிறோம், சாலையில் யாரோ ஒருவர் நம்மை பின் தொடர்வது போல இருந்தால் நமக்கு எப்படி இருக்கும். சற்று அசெளகரியமாக தான் இருக்கும். ஆனால் ஆட்களே இல்லாத சாலையிலும் உங்களை ஒருவர் பின் தொடர்கிறார் என்றால் உங்களால் அதை நம்ப முடிகிறதா? ஆனால் அது தான் உண்மை. இதற்கு உங்களிடம் ஒரு மொபைல் இருந்தாலே போதும் என்று சவால் விடுகின்றன டெக் நிறுவனங்கள்.
உங்களுக்கு என்ன உணவு பிடிக்கும், நீங்கள் எந்த சினிமா நடிகரின் ரசிகர், உங்களுக்கு கோலி பிடிக்குமா, தோனி பிடிக்குமா? நெடுவாசல் போராட்டத்தில் விருப்பம் உள்ளவரா நீங்கள் இப்படி எல்லா கேள்விகளையும் உங்கள் நண்பரிடம் கேட்டால் கூட அத்தனைக்கும் சரியாக பதில் வருமா என்பது சந்தேகம் தான். ஆனால் இந்த கேள்விகளுக்கெல்லாம் கூகுளிடமும், ஃபேஸ்புக்கிடமும் பதில் இருக்கிறது. இதெல்லாம் அவர்களுக்கு எப்படி தெரிந்திருக்கிறது என்பது தான் இன்று நமது பெரிய கேள்வி.
ஃபேஸ்புக் நிறுவனம் மார்க் சக்கர்பெர்க் சில மாதங்களுக்கு முன் டேட்டா சென்டரின் புகைப்படங்களை வெளியிட்டிருந்தார். இதேபோல் கூகுளிடமும் மிகப்பெரிய டேட்டா சென்டர்கள் உள்ளன. இவை தான் நீங்கள் காஃபி பிரியர், கோலி ரசிகர் என்பதை உலகிற்கு சொல்பவை. செல்போனில் நீங்கள் தேடும் விஷயங்கள், ஃபேஸ்புக்கில் நீங்கள் விரும்பும் விஷயங்கள், உங்கள் ஆன்லைன் புக்கிங் தகவல்கள் எல்லாவற்றையும் சேகரித்து விற்பனை செய்து கொண்டிருக்கின்றன இந்த நிறுவனங்கள்.
courtesy;vikadan

No comments:

Post a Comment

கருத்திடும் உரிமையை கவனமுடன் கையாளுங்கள்.

கருத்திடுமுன் இறைவனுக்கு அஞ்சிக் கொள்ளுங்கள்.

Your comment will be published after approval