"மாத்தி யோசிச்சேன்... மளமளன்னு ஜெயிச்சேன்!"

சென்னை, அபிராமி மாலில் கூட்டம் சலசலக்கும் ‘மதுரை கிச்சன்’ கடையை எட்டிப் பார்த்தால், ஹார்லிக்ஸ் பணியாரம், பூஸ்ட் பணியாரம், திராட்சைப் பணியாரம், பேரீச்சைப் பணியாரம் என ஒரே பணியாரமயம்! ‘பணியாரத்தில் இத்தனை வெரைட்டிகளா?!’ என்று ஆச்சர்யப்பட, ‘‘எத்தனை பிளேட் சொல்லுங்க..?!’’ என்று பிசினஸில் பரபரப்பாக இருக்கிறார், அதன் உரிமையாளர் பானுமதி. சின்னத்திரை நகைச்சுவை நடிகர் வெங்கடேஷின் மனைவி! இந்த மதுரைப் பெண், சென்னை மாலில் பணியாரத்தை ஹிட் அடித்திருக்கும் வெற்றிக்குப் பின் இருக்கும் முயற்சிகள், கஷ்டங்கள்... அனைவருக்குமே அருமையான பாடம்!